陸浩明留港睇「雪」　陳詩欣親做聖誕老人多士冧男友

藝人陸浩明（6號）與模特兒女友陳詩欣（Ayan）孖住過聖誕，除了外出感受節日氣氛，拍落雪片效果甚有詩意之外，Ayan更親自做「Boxing Day多士」給男友品嘗，冧爆6號當然甜到入心。

他受訪時稱：「往年就一定到外地過節，但今年冇得飛，所以好簡單咁過，好似去吓朋友屋企一齊整嘢食，我哋又去咗中環街市影相，原來嗰度喺夜晚8點會落人造雪，個效果好靚好特別，我哋都影咗好多相添！（有食神？）女友喺Boxing Day仲整咗個聖誕Tea，我有聖誕老人多士食，好有驚喜，仲玩交換禮物，咩嘢禮物就唔重要，所謂物輕情意重，願望反而係想疫情快啲過去！」