麥大力體操運動員上身玩吊環　大晒爆肌身形

昨日（26日）拆禮物日，無綫舉辦的「衝上雲霄大選」冠軍的麥大力（Derek）就當咗自己係禮物，除晒衫大騷爆肌身形，玩體操項目之一吊環，直情好似阮馬素上身咁，身形6舊腹肌、胸肌加埋三頭肌，真係Mon都畀佢逼爆，佢用雙手支撐起整個身體重量，麥大力真係大大力！不過呢個聖誕係佢同女友簡淑兒嘅第一個聖誕，兩人社交網都未見放閃，不過可能只係想低調，而簡淑兒就扮成聖誕女郎送心心，於聖誕樹下留影，照片可能係由麥大力操刀呢！