《愛．回家》張景淳呂慧儀夜景婚照曝光　眼神有愛

無綫處境劇《愛．回家之開心速遞》昨晚（28日）播出「龔水戀」結婚擺酒重頭戲，而尋晚只係播出第1集，嚟緊仲有今（28日）、明（29日）兩晚兩集播出，飾演「龔燁」的張景淳繼續喺社交網為劇集造勢，上載同呂慧儀飾演的熊若水婚照，上一輯就喺郊外取景，呢輯就係以夜景做主題，兩人去到中環龔水定情地方拍攝婚照，張景淳留言話：「今晚一連三集龔水結婚系列的第二彈。龔水定情嘅地方，結婚相當然要喺度影。這輯係手機相，有另一種感覺。」張張都sweet到爆，直情係睇到眼神有愛。