陳彥行母親墮3千萬保單騙局　好友梁思浩開口仗義幫拖

藝人梁思浩今日（28號）才知道好友陳彥行稱母親涉嫌被騙簽3千萬保單風波，戶口存款近乎全被蒸發，他對此說：「我同行媽識咗好多年，佢老人家好錫我，同我好熟，所以如果行媽喺錢銀或法律上需要幫忙，可以隨時搵我，我會第一時間幫手。」

思浩坦言亦曾被投資經紀游說作高風險投資，不過他統統婉拒：「我相信自己係辛苦命，每分每毫都要好努力咁賺番嚟，所以愈高風險嘅投資，我就會愈小心。」又奉勸各投資者：「世上冇咁大隻蛤乸隨街跳嘅，如果身邊出現人口甜舌滑，叫你買乜又賺錢法嘅人，就要提高警覺。」