基因強大！謝霆鋒「返老還童」　同Quintus似足餅印

型男謝霆鋒近日同「宇宙巨肺」鄧紫棋（G.E.M.）拍住上開工，合作主持內地全民才藝真人秀節目《點讚！達人秀》，節目中2人火花四濺，而喺拍攝現場佢哋亦打成一片，呢日佢哋趁埋位前一齊拍片大玩童顏特效濾鏡，一秒變成小朋友，雖然霆鋒「口裏說不」，把口就話對「返老還童」唔係好滿意，表示：「不是我開美顏出車禍，是這個人拍的」，將矛頭直指G.E.M.，但「身體卻很誠意」，把聲刻意調高扮小朋友講嘢，相當配合，而G.E.M.亦笑指：「這是一個小朋友美顏！」

但事實上「童顏」後嘅霆鋒，仍然有型有款，仲增添咗幾分可愛，網友即笑稱佢為「謝三歲」，亦有唔少網民指小朋友版嘅霆鋒，同囝囝Quintus撞晒樣，十足餅印一樣，果然基因強大！