做過護士唔同啲！艾妮見鍾雨璇暈低異常冷靜

歌手鍾雨璇於前日（27日）在新城頒獎禮台上暈倒時，同場的英皇靚聲歌手艾妮（Elly）全程表現冷靜，即時提供專業意見作出協助，她接受東網電話訪問表示：「吳浩康話我好冷靜，其實我做過咁多年手術室護士，見過好多人暈倒，知道保持冷靜係做護士必須嘅，件事發生得好突然，講真，我當時都好緊張，心跳加速。」

她又表示當時看見鍾雨璇暈倒地上失去知覺時，即和其他歌手合力將她抬回後台：「我哋搵咗個較舒服嘅位置，畀張櫈佢坐，再搵嘢墊高佢對腳，等佢血液循環得好啲，見佢呼吸同情況都穩定咗，先返番頒獎台，我都有關心鍾雨璇嘅情況，知佢冇事就放心。」

談及她憑翻唱歌《愛的故事（上集）》獲頒「勁爆改編歌曲」獎，她表示十分開心，同時亦覺得慚愧：「我今年只推出咗一首歌，見到其他歌手都好努力，我都覺得自己要加把勁，2022年要放多啲時間喺音樂上，同埋作多啲新嘗試，好似作曲、填詞同編曲咁，手頭上都錄咗幾首原創歌，希望帶畀啲樂迷新鮮感。」