舊愛王子傳撻着郭雪芙！鄧麗欣大方送祝福

鄧麗欣（Stephy）、王菀之、姜皓文等今晚（29日）到鑽石山為賀歲片《飯戲攻心》拍攝「彩蛋」戲份。鄧麗欣與台灣男星王子（邱勝翊）分手半年，近日王子傳出有新戀情，對象是比他大1歲的台灣女神郭雪芙，指二人在拍電影《山中森林》時連咀6次撻着。

Stephy被問到王子傳有新戀情，她說：「有留意新聞，總之係真又祝福，唔係真亦都會祝福，(八卦問下王子？）我唔會去八卦啦。（上次王子同造型師傳緋聞，你好快代佢否認？）唔同情況，等佢自己同大家講啦。（你信唔信係真？）冇話信唔信，等佢自己講，大家就知道真相。（新年願望想搵番個伴？）冇特別去諗，淨係希望疫情快啲過去，可以去外旅行。」

Stephy指電影早前己完成，今晚是拍攝「加餸」場面，拍攝賀歲片相當開心，好似放假一樣。王菀之笑謂場面熱鬧得好像拍第二套戲一樣，姜皓文則稱最喜歡拍攝賀歲片，每年也希望參與，攞個好意頭。