鍾嘉欣依偎李亞男晒閨蜜情　「處女黨」幾時先齊人？

藝人鍾嘉欣憑劇集《星空下的仁醫》入圍大熱視后之一，留港等攞獎嘅佢連日來密密約圈中好友聚舊，繼林文龍夫婦、秦沛父女，呢日就到「處女黨」成員李亞男，兩女單對單約會，一邊談閨蜜心，一邊分享媽咪經，自從鍾嘉欣定居加拿大後就甚少見面，今次難得聚會當然雞啄唔斷！

兩女喺露台前攬攬合照，鍾嘉欣依偎李亞男大晒姊妹情，並留言讚對方係自己嘅天使：「一對一的美好時光，謝謝Leanne。你永遠是我的天使。」李亞男亦有上載相片，寫道：「非常掛念 @chungkayanlinda，永遠享受和你一起的美好時刻。」

「處女黨」成員李亞男、岑麗香、王君馨及苟芸慧月初先Reunion，全部「處女」變人妻，慶祝閨蜜成團10周年，如今鍾嘉欣已出關，究竟「處女黨」幾時先齊人呀？