黃子恆獲睇好攞男配！何依婷入圍女配5強當獎勵

藝人黃子恆、朱敏瀚、何依婷今日（30日）在將軍澳電視城出席《萬千星輝頒獎典禮2021》「最佳男、女配角」最後5強記者會，憑《拳王》首度打入5強的黃子恆被外間視為奪獎熱門，他稱對攞獎有信心，但自己會投泰臣一票，覺得他在《智能愛人》的演繹有血有肉。臨近頒獎禮原本不緊張的心情，亦因朋友指已投票支持他，心情開始激動，心跳加速，感到緊張。

朱敏瀚覺得無論那一位攞獎也是實至明歸，自己看好黃子恆與張頴康，問到心情可緊張？他說：「希望能夠享受呢個頒獎禮，記得上年攞飛躍獎係自己頒獎畀自己，所以完全享受唔到。之前路過旺角見到公司買咗大型屏幕宣傳廣告，公司對獎勵好重視，可惜當揸緊車打唔到卡。」

對攞獎佛系

何依婷未有想過入5強，多謝觀眾喜歡角色，覺得能入5強已經是好好的獎勵，會睇好陳自瑤與劉佩玥，心情並不緊張，到時會扮靚靚穿得型格參加頒獎禮。問到是否希望攞最佳衣着獎？她說：「唔係，自己對攞獎一向都好佛系。」