處男企劃︱改造傳統藝術　葛民輝「型」接新一年

被譽為「潮流教父」嘅葛民輝，趁明年虎年聯同「星級醒獅團」姜氏金龍醒獅團合作新春商場企劃，以設計新春藝術布置配合醒獅團展覽，跟市民家喜氣「型」接新一年，同時傳揚傳統醒獅藝術。對於今次創意爆棚嘅企劃，葛民輝笑說︰「今次同姜氏金龍醒獅團可謂一拍即合，以偏重藝術同潮流嘅手法演繹醒獅呢項傳統文化好好玩，從構思、創作、生產，我都全程參與，過程中唔單止令我更認識同體驗到醒獅呢項傳統藝術嘅文化同精粹，更發現佢係好多樣性同可塑性，相當驚喜！」

而今次亦係佢處男商場企劃，創作理念新穎且霸氣十足，直言：「喺傳統節日能夠將一項傳統文化以潮流同藝術嘅角度重新包裝，呈現畀大眾欣賞，係一件非常有趣、有意義嘅事。我最期待嘅當然就係兩個以我嘅figure打造而成嘅藝術裝置，特別係高達4.5米嘅『醒獅疊羅漢』，就好似自己化身為小人國入面嘅人物，相當震撼。」