鬧分手　Jer女友除夕爆Seed：我知道真相

MIRROR成員柳應廷（Jer）近日被爆與圈外女友Kelly分手，二人先後互相Unfollow對方，又刪走情侶合照等，更傳出《全民造星IV》參賽者、22歲「翻版朱茵」許寶恆（Alice）介入戀情。雖然Jer一直對外表示冇分手、處理緊，不過尋日（12月31日）Kelly忽然Post出貓相，並配文：「2021揭露人類真本性　恨恨地被打倒地上，上天再一次叫醒我學識勇於面、接受、放下、改變。貓：我知道真相咪得囉！」明顯意有所指，即令二人情已逝傳聞更加似層層。之後佢又晒出多支烈酒嘅相，未知係想借酒消愁定係同朋友狂歡直落，開始新生活呢？