台上即場「換衫」　鄧麗君「翻生」孖周深合唱

今年係「亞洲歌姬」鄧麗君逝世27周年，各界對麗人嘅經典歌聲甚是懷念，估唔到有內地電視台竟然將鄧麗君「翻生」，同大家跨年迎2022年！江蘇衛視今次搵嚟內地歌手周深同鄧麗君「同台」演出，以虛擬特效令視覺上體現二人合唱效果，一開場就見到鄧麗君則從舞台底下慢慢升起出現在舞台上，以一身藍色旗袍裝現身，畫面非常逼真。同唱歌曲《小城故事》時，周深不時同鄧麗君「互動」，包括望住對方合唱、有晒表演造手等。

不過最厲害係，唱完一曲後，鄧麗君隨即「換上」一襲紅裙，並合唱《漫步人生路》，最後鄧麗君換上淺色晚裝繼續唱，更即場同大家「打招呼」：「大家好，我是鄧麗君，很高興來到了江蘇衛視和周深一起合作，在這裏祝大家新年快樂。」隨後合唱《大魚》作結。有指今次二人跨時代「合唱」，觀眾聽到流晒眼淚，並讚不絕口。