曾華倩元旦仔23歲生日　溫馨錫額頭以表養育之恩

藝人曾華倩同兒子林浩賢一向母子情深，適逢今日（1號）元旦係仔仔23歲生日，作為廿四孝媽媽嘅曾華倩預備咗個插有「2」同「3」字蠟燭嘅蛋糕為壽星仔慶祝，兩母子頭貼頭合照，仔仔仲親吻媽媽額頭答謝多年養育之恩，畫面非常溫馨。

曾華倩亦喺社交網分享「飛魚仔仔」嘅游泳英姿，以及多張由細到大嘅母子合照，留言寫道：「祝願大家在2022年新年快樂！也祝願我生命中最重要的男人，生日快樂！健康快樂幸福地成長！永遠愛你的媽媽會永遠的愛着你的呢…呢…呢！」