超可愛！一家大細Miffy上身！　

就算大家未睇過荷蘭作家Dick Bruna創作的Miffy系列繪本，都一定見過這隻有着招牌「交叉嘴」的Miffy萌兔吧！這個可愛Character唔聲唔聲已經陪伴了大家六十多年，至今依然人氣高企，尤其受到日本粉絲歡迎。繼去年中舉辦日本巡迴展覽和推出不同聯乘企劃，來到2022年的首個月份，亦繼續踩入潮界，與人氣T恤品牌Graniph合作推出服飾系列。

新系列包括衞衣、T恤、恤衫及連身裙等，而Miffy的身影更會出現在胸前、口袋、鈕扣、裙襬、背部及手肘等位置，加上設計中採用男女都易穿搭的藍綠色，又加入條紋、波點圖案點綴，要融入日常打扮話咁易。不過最窩心的是備有成人和童裝尺碼，可以輕易打造親子造型，一家大細齊齊潮住去街！