捕獲周潤發！尋寶劇《四十二章經》率先執到寶

由陳豪、龔嘉欣等主演無綫劇集《四十二章經》講一班演員為搵寶藏而打到飛起，個個連場肉搏打到周身傷，劇中有咩寶物就未知，不過現實中劇組就真係「執到寶」，因呢日拍外景時竟巧遇影帝周潤發！見當日小花江嘉敏與姚瑩瑩、馬海倫等人開工時，周潤發竟然「亂入」，一眾演員當然立即集郵合照，場面熱鬧，馬海倫將合照放上社交網，表示：「四十二章經同事一見發哥即刻影相又興奮」，又指獲周潤發請食早餐：「今早喺中環外景碰到發哥一隊人，發哥請食早餐：生煎包，叉燒角，蛋撻和沙翁。」唔少網民都大讚周潤發親民，仲話希望佢可以喺劇中客串。