台慶頒獎禮︱不再黑面！陳自瑤大熱奪最佳女配角又喊又笑

台慶頒獎禮中「最佳女配角」殊榮，陳自瑤（YoYo）一直都是大熱門，眾望所歸，她憑《寶寶大過天》中飾演全職媽媽「葉帆」一角奪得。頒獎前，司儀森美搞氣氛，笑指網民問YoYo如果今晚失獎，可以再表演「黑面」，YoYo笑說 ：「上次因為天氣，嗰日好凍，今日好暖，所以會笑住。」之後更被森美笑謂：「啲網民咁鍾意睇你黑面，下次可以拍埋《女包公》。」

YoYo上台領獎時不斷索氣，之後哽咽說：「入行17年終於可以上到呢個台，真係唔容易，多謝公司多年嚟嘅栽培。」她多謝拍檔張頴康及《寶》劇台前幕後的工作人員，她更多謝汪明荃，指對方給了很多鼓勵她，最後她更說：「多謝所有屋企人！」

YoYo之後接受訪問，她說：「好多謝傳媒支持，一直話我係大熱，但自己未到頒獎一刻都唔知結果，都係抱住平常心，自己都驚漏咗多謝人。（係咪漏咗王浩信？）最尾嗰陣有講多謝屋企人，都概括多謝埋，因為致謝詞要精簡啲，好難逐一多謝晒！」

講到老公王浩信不在現場是否很可惜時，她笑一笑，不知如何回答是好，又謂：「總之都係開心啦！今日出門口時阿女都有同我打氣。」談到上年黑面，今年表情大靚，她再次扮「花花」可愛樣示人，她說：「我只係嗰一刻冇乜表情啫！上年天氣太凍，反應唔切。」雖然王浩信不在場，但原來一直留意頒獎禮看YoYo有否得獎，他網晒YoYo領獎時的電視截圖並留言：「Congratulations！」隔空恭喜！

至於「最佳男配角」由前輩級的羅家英及劉江擔任頒獎嘉賓，並由《換命真相》的朱敏瀚奪得，宣布得獎時他即呆了一呆，之後JW、羅天宇及好兄弟張振朗都上前與他擁抱。朱敏瀚坦言事前未有特別準備，只想享受今晚氣氛。期間他多謝高層曾勵珍，指自己向來不懂表達自己，但可透過演戲上表達，他亦感謝總經理曾志偉，指他給機會之前一班訓練班於台上表演。

上年奪「男飛躍」的朱敏瀚今年升呢奪「男配角」，他事後受訪時表示忘記多謝黎耀祥，因為對方教了他很多，教他和張振朗要做一個好人 ，才去做好戲，講到忘記多謝女友余思霆，他謂：「係呀，又漏咗，上年已經唔記得，今年又漏咗。」