年年飲恨男飛躍　吳業坤自嘲新劇冇負評當獎勵

藝人吳業坤今日（3日）在荔枝角為劇集《異搜店》宣傳，對劇集收視、口碑不俗感到高興，他笑說：「自己一直都多負評，今次冇收到負評已經覺得係獎勵，出街仲有人叫我劇中醫生名，之前畀人嘅印象都係冇嚟正經，所以都好開心做到呢個正經、完美男友嘅角色。」他對於好友姜麗文獲得「飛躍進步女藝員」感到開心，因見證住她的成長，就算飾演一個工人姐姐也沒有Hea做，最終成功入屋。可希望自己攞獎？他笑說：「我諗我同公司嘅獎項都係冇緣，之前都提名過幾年『男飛躍』，我都係專心去唱歌啦。」對於由加拿大回港的鍾嘉欣失落視后，他則笑說：「呢啲數我就唔識計喇。」