馬浚偉邀劉心悠合作拍劇：梗係有感情線！

藝人馬浚偉以香港電台創作總監身份，和電台各高層今日（3日）出席港台舉行的「2022節目巡禮」，巡禮中有多個由馬浚偉構思的節目，包括音樂節目《獅子山下好音樂》、初中生問答挑戰賽《知情識趣31》、電視電影《我們的開學禮》及劇集《我們的畢業禮》，馬浚偉表示：「我會擔任電視電影同劇集嘅總監製，喺劇同電影入面同劉心悠一齊飾演大學教授，仲會有好多唔同藝人幫忙，我會起用好多新人，有啲係真正大學生同無綫藝訓班學生，都會畀機會佢哋發揮。（會唔會搵炎明熹、姚焯菲？）佢哋已經上咗我個音樂節目，佢哋放咗學都可以嚟客串我個劇，預計3月拍攝，暑假播出。」他稱雖然自己不是無綫藝人，但也有向無綫申報。

問到他在劇中跟心悠可有感情線，他笑言：「我搵得佢梗係有，上次同佢拍《宮心計2深宮計》就係冇感情線，我已經4年冇拍劇。（加自己同心悠親密戲？）一定唔會加，我係總監製，唔可以有利益衝突，我哋係校園劇好乾淨，以學生利益行先。」