由古天樂、張智霖及鄭嘉穎等主演的反貪系列電影《G風暴》，於內地上映3天已錄得票房破3億人民幣，而香港則收約350萬，成績令人滿意。古仔直言一生中有許多「第一次」和「最後一次」都在該系列電影中發生，難怪他有感而發表示：「感謝每一位入場觀眾，7年前我第一次演『陸志廉』，7年後嘅今日嚟到最終章，『陸志廉』也迎來佢嘅『結局』，我哋要講再見嘞！」

古仔今次更落力參與幕後工作，開場的一幕戲交代飾演「炸彈少女」的張敬仁，企圖自殺式與宣萱同歸於盡。古仔不但從旁引導張敬仁入戲，更細心地和負責美術、道具、服裝等工作人員研究服飾及炸彈。張敬仁坦言：「今次除咗素顏上陣外，仲好緊張同有壓迫感，但過程中學咗好多。劇情交代我要捉住宣萱隻手引爆身上炸彈，我唔識借力搞到好大力咁掐住佢隻手，所以不停講同佢唔好意思，但宣萱完全唔介意，畀咗好好嘅鼓勵我。」

宣萱戲中雖然不用拍打戲，但負傷有腳患的她仍與陳庭欣等穿着高踭鞋在文化中心及太空館外，跑足5日拍攝逃避犯罪份子槍殺的戲份，相當專業。至於陳庭欣因則跑到腳趾腫及磨損，更一度被張松枝意外絆倒趴低。