危企貨櫃邊！譚嘉儀升上3層樓高空跳唱

星夢歌手譚嘉儀日前為演唱會同名主題曲《Eyes On Me》拍攝 MV，今次演繹跳舞快歌對她來說是新挑戰，要一別以往擅長的抒情歌，突破其一貫形象，換上全新造型嘗試全新曲風。嘉儀謂：「當初知道有機會可以開演唱會，就好想有一首跳舞快歌，好多謝監製陳考威寫咗一首咁正嘅歌畀我，由錄音、到排舞、再到拍 MV，短短2個月時間，真係覺得成個Project好正、好Enjoy，真心好鍾意！多謝公司。」

導演精心設計MV每個場景，除有間她很喜歡的粉紅色房間外，還有個型格貨櫃，她說：「今次呢隻歌有好多嘗試，第一次唱快歌仲要排舞，好多謝排舞老師一路在旁指導，畀信心我去跳。跳舞對我嚟講已經有難度，拍攝時仲要喺升上3層樓高嘅貨櫃上面跳，企喺貨櫃邊緣扭動，自己都擔心會失平衡。」

為了這首全新嘗試的跳舞歌，她笑言：「今次碌咗好多人情牌，最感動係個個都即刻拍心口應承，除咗借出貨櫃場地嘅朋友，仲有好犀利嘅飄移教練，佢唔只借出幾部跑車，仲幫手做出精彩嘅飄移表演，現場嘅工作人員都好似睇表演咁拍晒手。」