首演失明人士！考起好戲之人吳岱融

藝人吳岱融與導演朱鳳嫻今晚（4日）出席新片優先場，片中吳岱融與惠英紅飾演失明夫婦，他坦言首次挑戰失明角色很難：「導演會睇到我哋啲動作有咩問題，我roll機前會睇到晒啲嘢，但一action我就合埋眼，有時都會博懵，但手腳掂到啲嘢就會唔自然，但8、9成我都唔會睇。」他又謂今次感受好深：「如果真係睇唔到嘢會好驚，我有試過喺屋企自己合埋眼，有打冷震。」提到與惠英紅合作，他表示與對方已合作過兩、三次，今次合作與之前很不同。

他亦透露戲中飾演樂觀和幽默的爸爸，作為女兒與老婆爭執的調解劑，又分享一套相處之道：「如果成日放大屋企人啲缺點一定出事，積得多會討厭，就大鑊，所以我就會記得另一半啲烏龍嘢、搞笑嘢多過撞板嘢。」