陳茵媺5歲餅印女盡得真傳　同款髮型激似媽媽

前港姐冠軍陳茵媺為老公陳豪誕下兩子一女，作為孻女嘅Camilla除咗有「前世情人」爸爸錫到燶，仲有兩位哥哥保護，絕對萬千寵愛在一身。現年5歲嘅Camilla乖巧伶俐之餘，更盡得媽咪優良基因，遺傳陳茵媺美貌長得可愛又靚女。

陳茵媺上載一張Camilla着上芭蕾舞造型飲緊嘢飲嘅相片，雖然隻杯遮咗佢半塊面，但眼仔睩睩望住鏡頭，似足陳茵媺迷你版！唔少網民留言激讚呢對餅印母女：「阿女好似你！」「第一眼以為係你」、「像媽媽一樣漂亮！」仲提議大個要去選港姐，繼承媽媽衣缽。