夾口供唔否認戀情？菊梓喬讚吳卓羲係「好好嘅人」

歌手菊梓喬（Hana）今日（5日）在將軍澳電視城出席無綫節目《慈善星輝仁濟夜》記招，她與吳卓羲（Ron）的關係近日有突破發展，除夕夜Ron帶同家人欣賞她的演出，更沒有否認戀情。

Hana受訪時有備而來，講到Ron帶同家人棒場，她說：「多謝支持。（佢係咪你男朋友？）唔講呢啲喇。（Ron冇否認你係佢女朋友？）哈哈…唔講呢啲喇。（發展中？）依家專心工作。（Ron帶埋屋企人嚟睇你？）其實嗰晚好多朋友都帶咗屋企人嚟，因為好耐都冇呢啲戶外騷，自己見到咁多觀眾都好開心。（感覺到佢追緊你？）感覺嘅嘢，個個都唔同嘅，嗰晚淨係感覺到好大風、好凍。（公司要求低調感情？）公司冇講嘅。（情人節點慶祝？）我要為一個婚禮表演，其實自己有拍拖、冇拍拖，都冇慶祝過情人節。」

Ron在圈中出名是孝順仔，問到覺得他的人品？Hana大讚是好好的人，她說：「佢好好㗎，係一個好好嘅人，好敬業嘅前輩，拍戲、拍劇都好睇，係一個好好嘅人。（鍾唔鍾意孝順仔？）梗係鍾意，孝順、心地好嘅人，有邊個唔鍾意，我鍾意好心地、好嘅人。」