余香凝Bra Top騷腹肌　靚肚冇紋唔似生過

藝人余香凝去年榮升人母，為老公誕下一女，生完BB不久即收身成功，回復苗條身段，不過向來注重身形嘅佢並冇自滿，反而精益求精，繼續努力做運動Keep弗，呢日佢趁啱啱做完腹肌鍛煉運動，即影相大晒成果，見着上黑色Bra top嘅佢大騷纖腰及腹肌線條，相當養眼，佢留言表示：「兩個多星期沒有來做運動，聖誕新年食了不少，今天重點練腹肌，好像有一點點效果。」好友指其腹部白滑冇紋，唔似生過BB：「好勁啊！完全冇紋嘅！」佢就笑指：「有㗎 ，下次畀你睇。」