林心如兜巴星霍建華　「啪」一聲堅嚇人！

台劇《華燈初上》開播以嚟都大獲好評，仲引爆全城「緝兇」熱，估到底邊個先係喺劇中殺死「媽媽生」楊謹華嘅真兇！而擔任《華》劇主演兼擔任製作人嘅台灣女星林心如，搵嚟老公霍建華喺劇演佢「仇人」，引嚟網友好大回響，好想睇吓佢哋兩公婆合作拍劇會有咩火花！

霍建華喺劇中演黑社會大佬，同演「媽媽生」嘅林心如成日都要鬧交，尋日（5日）劇中另一演員楊祐寧就喺社交網晒出花絮片，留言寫下「夫妻吵架」、「湊甚麼熱鬧」、「啪」、「我才不敢」！片中睇到林心如同霍建華拍鬧交戲，而霍建華為求拍攝真實，仲要求被林心如兜巴星嗰下嘅「啪」一聲都要錄低，所以真係聽得出好大聲，而霍建華仲摸一摸塊面，睇嚟真係啲好痛喎！林心如睇完條片之後都有留言：「笑死！你到底來幹嘛！」楊祐寧搞笑地：「我不想來啊！」因為呢場戲佢自己都份演，所以佢先會喺拍攝現場嘅，網民都畀佢哋對話笑爆嘴，仲話畀兜巴星嗰下嘅「啪」一聲嚇親，隔住個Mon都覺得霍建華痛呀！