抗疫唔擺滿月酒　羅子溢開工前掃貨冧女

藝人羅子溢稍後將會與陳自瑤（YoYo）合作由林肯監製的新劇《婚後事》，他說：「因為佢之前嘅作品都好受歡迎，題材貼地，同埋都好耐無同YoYo合作，對上一次已經十幾年前，都好想再同佢合作，大家係老朋友。」

除了為新劇做準備，近月羅子溢經常留在家中與太太楊茜堯一起照顧一對子女，日前他被拍到於玩具店購物，左揀右揀，看來要求相當高。他表示當日是想買玩具給去年底出世的囝囝：「想買份禮物畀細佬，但唔想個女呷醋，都代細佬買份禮物畀家姐。（湊B順利嗎？）因有第一胎（經驗），今次上手好多，不過小朋友性別唔同，湊嘅方法都唔同，好似換片咁，要防止囝囝『斟茶』，所以要㩒住佢『啫啫』，但都要有『飲茶』嘅心理準備。」而由於疫情關係，政府收緊防疫政策，子溢也表示「細佬」跟「家姐」一樣，滿月時不會擺酒，只會簡單食飯慶祝。