喊出實力︱肖戰喊戲驚為天人 搣甩流量明星之名

2022年01月07日 00:02
東網電視
更多新聞短片
內地小鮮肉藝人肖戰被指係流量小生,只係識Sell靚仔樣,事實上就唔係咁樣嘅,最近佢演出嘅內地戰爭片《王牌部隊》中就演技大爆發,一場極具震撼喊戲令觀眾對佢另眼相看,網民仲谷埋上熱搜!
肖戰在片中飾演軍人角色顧一野,喺一場排長為咗救佢而被地雷炸死壯烈犧牲戲中,肖戰一時之間無法接受事實,情緒瞬間崩潰,痛哭得令人心碎,呼天搶地嘅演技,啲眼淚就喺下巴盪來盪去,觀眾真係睇到心都裂埋。其實呢段喊戲拍得一啲都唔簡單,喺之前曝光嘅花絮片中,見到肖戰喺好短時間內要調節好心情及情緒,靜靜坐喺一邊,孤獨感令人我見猶憐,不過努力係有成果,佢今次呢場喊戲就成功上咗熱搜,網友都大讚佢感染力超強!