林心如愛女生日派對　「翻版Rose Mama」意外搶鏡

台灣女星林心如主演兼擔任製作人嘅劇集《華燈初上》好評如潮，掀起全城競猜兇手熱潮，氣勢如虹！近日林心如為囡囡舉行生日Party，現場有唔少氣球裝飾，估唔到更有扭氣球嘅工作人員專誠送上佢戲中角色「Rose Mama」嘅造型氣球，令佢直呼驚喜：「女兒生日pa，意外獲得Rose Mama 折氣球一枚，也太可愛了吧，活靈活現的，連Rose Mama標誌性的那一綹髮絲都沒放過。」佢又不忘向囡囡送上祝福：「當小孩真好，希望寶貝健康快樂長大，媽咪真的很愛妳。」