蔡依林開P賀愛犬15歲生日　網友羨慕：做人不如做狗

台灣天后蔡依林（Jolin）係出名嘅「狗奴」，佢養咗「屋虎」同「社長」2隻Cute爆比熊犬，佢喺社交網晒咗同「屋虎」開P慶祝15歲生日嘅相，睇到場地布置花盡心思，除咗放滿氣球同唔少可愛公仔，搞到成個森林咁外，又準備咗個精緻嘅生日蛋糕。Jolin仲攬實愛犬影相，睇見都開心呀！佢咁有心為愛犬搞生日P，即惹嚟網友葡萄，話真係「人不如狗」呀！其實佢每年都會為「屋虎」開P慶生，佢之前都試過請埋一大班朋友同愛犬慶祝，仲開Live與一眾網民同樂添！

愛犬成狂嘅Jolin做埋2隻愛犬嘅經理人，幫佢哋經營專屬社交網，仲為愛犬代接廣告吸金，一齊着上品牌嘅服裝影相，佢對寶貝愛犬嘅表現相當滿意，由於兩隻愛犬可愛到爆，吸引網民狂畀Like，風頭完全唔輸畀佢，有網民笑兩隻愛犬嘅狗糧，應該比人食得更加豐富！