陪老公北上3個月終返港　黃翠如高呼：我返嚟啦

無綫花旦黃翠如去年受到情緒困擾，幸好最後成功走出陰霾，早前更陪老公蕭正楠北上開工，享受假期之餘，亦趁機出席商演搵真銀。近日佢終於回到香港，就即刻急急約見好姊妹唐詩詠重聚，佢喺社交網大晒片段，見佢心情勁靚，高呼：「返嚟啦！」又從背後攬實詩詠，仲笑到見眼唔見牙，而詩詠亦向翠如獻吻，2人又擁作一團，同時翠如做出心心手勢，大晒閨蜜情，翠如表示：「送我出走的那個，總是知道她會支持我的那個，我很愛很愛的那個，我們重聚了。2022，必須好好。」

而剛拍畢《隱形戰隊》正放假嘅唐詩詠亦狀態大勇，全程活力十足，佢仲發文歡迎黃翠如歸隊：「返嚟啦，你好快啲陪我！」