波波「爆房」玩變裝派對　被嘲似置身妓院

新一代「無綫咪神」波波（黃婧靈）憑36E豐滿身材極速上位，近日佢自爆到酒店「爆房」，孖友人舉行生日派對，更上載多張造型獨照，叫網民競猜派對嘅服裝主題。相中見波波以一身中國風打扮示人，着紅黑色兩截裙，上身薄紗大玩透視誘惑，透出招牌36E導彈級巨胸，若隱若現更顯誘人，下身就喺黑色長裙上綁上鐵鏈，被網民笑指SM味濃。最終波波揭盅，原來派對以新年做主題，不過網民就話主題似妓院多啲，指曾因着古裝被封為「現代潘金蓮」嘅佢再現江湖。