史上最難分割合照！森美完美撮合姜濤與小儀

森美與小儀向來都係「最萌身高差」，加多個姜濤會係點？唔係得個「嬲」字嘅，睇吓森美點將佢哋呢張史上最難分割合照處理。森美刻意唔將大家排成一個「嬲」字，而係1米78嘅森美同1米77嘅姜濤一齊企，就將1米48嘅小儀企邊站，分割照片時，就可以完美將森美同姜濤一組，姜濤就同小儀一組玩「最萌身高差」，一啲違和感都冇，認真犀利！就連森美都沾沾自喜喺社交網留言：「同姜濤合照嘅分割，真係好考功夫，頭先我都考量咗好耐，應該點樣cut！」唔少網民森美對圖片分割好有心得，完美將姜濤與小儀撮合呀！

另外，姜濤訪問時分享不為人知的秘密，原來他的減壓方法是鍾意睇人鬧交，他說：「喺屋企得閒就上網睇人哋嗌交嘅片，咁樣我就覺得好熱鬧，我都鍾意睇啲香土劇，因為入面有好多嗌交橋段，有時做嘢休息時就播出嚟睇，令我好放鬆、放空傻笑。（有冇推介畀朋友睇？）我唔夠膽，因為唔好意思。」被問到照鏡第一眼睇乜？他笑着自爆：「我會望住自己鼻毛有冇凸出嚟，有個廣告唔記得抆，仲要好大咁貼出街。」