老公好渺小︱吳若希睡房曝光 一個人物品擺晒成間房

2022年01月11日 19:02
東網電視
更多新聞短片
歌手吳若希(Jinny)近日獲邀為電台全新節目《睡眠BB瞓冧D》擔任首集嘉賓,公開她跟老公Alex的睡房,大談「房事」,更「貼埋大床」跟主持人阿O和林燕玲傾偈,期間愛犬Honey亦入鏡。主持人笑Jinny睡房大部分都是她的物品,老公的東西只佔少數,她即謂:「佢少嘢嘛!衫都放晒入櫃桶,我就有衣帽間,哈哈!」
講到睡眠質素,她透露對床褥和枕頭有一定的執着,故枕頭是特別訂製,她說:「平日大約朝早8點幾起身,唔使開工嘅話,有時都會午睡一陣,開工時可能連續幾日都係瞓得1、2個鐘,我就好希望放假可以瞓到11點先起身,但發現其實起身之後會仲攰。」
她又透露細仔跟姐姐在另一間房睡,故不容易被嘈醒,她又選擇讓孩子在「白色噪音」下睡眠:「希望佢哋習慣吓,如果唔係少少聲就容易醒。(播音樂?)我打開隻窗就可以,畀佢哋聽到人聲、風聲、車聲。」講到作為媽媽,難免被小朋友影響睡眠質素,她說:「我醒咗就瞓唔番,如果有時知道小朋友有工人姐姐湊住,老公起咗身嘅話,我就盡量瞓多少少。(叫老公搞掂?)唔叫嘅,直接用腳踢佢!」