生日出新歌︱肥仔望進軍韓國 193搵林明禎幫拖冇得「自肥」

20220111
東網電視
更多新聞短片
男子組合ERROR其中兩位成員193和肥仔齊為賀1月14日同年同月同日的32歲生日,當日齊各自推出新歌及MV,而今日(11號)2子為宣傳新作時,肥仔笑言:「我哋首新歌本來諗住喺去年尾推出,不過覺得既然都爭唔到獎,不過喺生日時推出更有意義。」但時生日推出新歌仍然有阻滯,193自言:「同我哋同公司有另一隊女圑撞咗期,不過我哋係大師兄,所以女團讓路,提早兩日出道。」
肥仔的新歌名叫《Dear MA MA》,他稱: 「姜濤首『我最喜愛的歌曲》叫《Dear My Friend,》,當上網Search時,一打個個『Dear』字,一定出埋我首新歌,係咪好醒呢?同埋希望韓國MAMA都睇到,因為Anson Lo都可以進軍韓國市場,覺得自己都有機會,我都係跳唱歌手。」
193就透露新歌《再次Puppy Love》請得「馬國女神」林明禎擔任MV女主角,更重返九龍塘母校取景,他說:「係我自己碌人情卡,同埋課金先請到林明禎,我仲自己返學校搵校長借場,但因為喺校園拍,所以自肥唔到,校長話校園唔鼓吹談戀愛,所以唔准男女有太多身體接觸,我問到佢可唔可以喺校園門口有身體接觸,校長都話唔好,因為啲人會有聯想,所以只可以頭貼頭,原本我想加咀戲,依家只可以手掂手。(下次去酒店拍囉?)大佬,首歌講Puppy Love喎。」又指拍攝時,自己被拍15分鐘,但林明禎拍足個幾鐘,至於情傾林明禎做女主角,他說:「希望啲宅男睇林明禎時,會順便聽埋我首歌。」
至於肥仔就請了影后鮑起靜做MV女主角,他說:「我哋飾演母子,初以為佢唔知我係邊個,但佢一見到我就叫我肥仔,仲知我哋係ERROR。」而歌曲亦是他送給母親之作。