陳安立同林希靈情侶檔拍廣告　開心又尷尬

藝人陳安立（Brian）偕前《東張西望》主持林希靈（Agnes），以情侶檔接拍服裝品牌廣告，鏡頭前兩人自然流露sweet爆神情，更在工作人員面前耍花槍，Agnes說：「今次係我哋第1次正式合作，係好開心，平日見慣見熟，原來一齊做嘢，無諗過都會覺得尷尬。」她笑言好似重拾青蔥的心跳感覺，Brian也笑說：「之前大家唔同電視台，一路都冇乜機會合作，朋友都成日笑我哋係羅密歐與茱麗葉，所以今次情侶檔拍廣告，係好興奮同驚喜！大家都做開主持，要一齊介紹嘅部份完全冇難度，反而要表現平時拍拖嘅嘢行為，開頭係有少少尷尬，要慢慢熱身後先OK。」

談到平日兩人的相處，Agnes說：「我同Brian平日喺生活上有好多搞笑嘅無聊對白，加上我哋做慣主持節目，習慣一唱一和、自圓其說，所以希望有導演會搵我哋一齊拍吓綜藝節目，相信對白都唔使點寫，最好係啲創新內容、有挑戰性、奇奇怪怪嘅會好玩添。」