同何雁詩不設防!鄭俊弘戒口計排卵期造人

20220112
東網電視
更多新聞短片
藝人鄭俊弘(Fred)同太太何雁詩喺社交平台上載合唱片段,歌曲由何雁詩親自作曲填詞,仲叫做《Dear Little One》,似乎暗示升呢做父母!
雖然佢哋未回應,但其實Fred不久前受訪都曾露口風,坦言想生BB:「我哋都想,但太心急或太想就反而冇,反而心情輕鬆就會順利啲。」佢又直言依家係不設防:「盡量啦,睇吓上天可唔可以賜個BB。(目標想幾年內?)希望唔好咁耐,我年紀都開始大,想1、2年內,唔想小朋友大個我老得滯同唔到佢玩,我有好多嘢想教佢,太太都成日叫我加油,我都會嘅,哈哈。」佢又坦言有向朋友取生仔經:「有Keep住身體健康、食嘢健康,男士要做多啲運動,個人精神啲個成品先會好啲,太太就唔好飲太多凍嘢同要戒可樂、唔好食辣嘢,都有用App計時間表。」佢哋為生仔做足功課,睇嚟「造人」成功一事都係似層層!