王祖藍42歲牛一　囡囡唱生日歌

無綫首席創意官王祖藍大前日(9日)42歲生日，而太太李亞男(Leanna)與2位女兒就準備蛋糕為他慶生，Leanna更將大女Gabby的唱歌片放上社交平台，片中Leanne抱着可愛的Gabby，祖藍就抱着細女，Gabby邊拍手邊大聲為爸爸唱出生日歌祝壽，不過這位「創意官」爸爸要求都好高，期間問她：「to邊個呀?」，要話「最大聲、最大聲」的叫Gabby唱大聲啲，Gabby都好乖，嗌破口喉仲連Key都升埋，相信祖藍爸爸應該相當滿意。而妹妹就相當搞笑，不停望着個蛋糕好想食咁呢！