林夏薇連續2個月日夜顛倒拍劇：工作動力係咩？

林夏薇（薇薇）最近憑劇集《七公主》升呢做視后，雖然惹嚟唔少爭議，因網民戥另一大熱鍾嘉欣失落視后感到唔抵，而爆發罵戰，薇薇坦言會接受一切批評，仲話未來會繼續努力工作，唔會辜負視后稱號！

佢今日（13日）就喺社交網發文忙於為新劇開工，留言：「連續兩個月早班又通宵拍攝，天未光就開始化妝，甚麼是你的動力？因為你無比熱愛你的工作！」唔少網民都大讚佢真係兌現承諾落力工作，紛紛同佢加油，期待佢快啲有作品推出。