譚嘉儀到銅鑼灣為「自己」打卡　姐夫拎住拐杖去撐

歌手譚嘉儀本月底將在旺角麥花臣舉行首個個人演唱會，得知其演唱會巨型海報在銅鑼灣鬧市高高掛，昨日（12日）她特別跟家人走去打卡，連姐夫隻腳受傷了，都拎住拐杖去撐她場，令她非常開心，嘉儀說：「第一次見到自己有咁大個嘅廣告，好多謝公司。」

距離開騷得番半個月，可擔心受第五波疫情影響？她坦言演唱會方面的準備工作依然進行中：「公司都喺度等緊政府公布下一個防疫嘅措施，我當然希望疫情可以盡快受控同埋盡快清零，希望大家都唔會受到影響！」她表示如果演唱會要延期，她也會做好心理準備，她說：「我都會換過角度去睇，如果要延後咪有更多時間去籌備精彩嘅表演畀大家睇。」