同陳偉霆滑雪度假?何穗情侶裝隔空放閃

20220114
東網電視
更多新聞短片
男神陳偉霆(William)名模緋聞女友何穗,早前同內地女星楊冪齊齊着紅色內衣拍賀年廣告後,終於可以歲晚收爐放年假,收番埋對咪咪嘅佢,就走咗去新疆嘅禾木滑雪場度假,佢嘅滑雪技術有幾好就未提到,不過佢影啲相就真係好靚。
佢喺社交網平台甫咗好多靚人靚景嘅相,心情靚爆話:「坐着雪貓(壓雪車)上了禾木滑雪場的2,800雲霄峰,這裏治療人心的萬里藍天,雲海繚繞就在腳邊,林海雪原白雪皚皚,美麗的日暈,放眼望去都是讓人心醉,美得落淚的雪山仙境。」
有好奇心重嘅網民又喺度估,放假可以去行山、Shopping、浸溫泉、煲劇,點解偏偏要去凍冰冰嘅雪山呢?有人就話可能關佢緋聞男友事,因為William係出名嘅「雪山之子」,亦精於花式滑雪板,曾經喺一個內地綜藝節目度,挑機過中國單板滑雪運動員王梅雪,最終都係輸咗0.25秒!有網民仲踢爆話曾經係日本滑雪場,見過佢哋玩「情侶滑雪」添,唔通今次陳偉霆亦有同行?