許俊豪比胡鴻鈞有新鮮感？陳嘉慧Enjoy同「男友」唱歌

無綫小花陳嘉慧（Erica）憑着劇集《愛上我的衰神》成功入屋，成為網民心目中的仙氣小花，想不到Erica除了演得，原來還唱得，日前她與《愛》劇中「男友」許俊豪（Lincoln）齊齊合唱了此劇的主題曲《太多不知道》及插曲《我要和你在一起》，更拍了片放上網，她接受東網訪問時謂：「我哋咁啱依家一齊拍緊《法言人》同《法證先鋒V》，呢首歌只用咗3個鐘頭錄音同1日拍片剪埋就出街。其實自己都好鍾意唱歌，之前做快閃活動都有同胡鴻鈞合唱，今次就有啲新鮮感覺，監製又鼓勵我哋去做，咁咪一齊玩吓囉！」

不過未知是否同時拍攝兩劇太辛苦，Erica因免疫能力差，引致身體出現毛病，故這兩天她都要躲在家休息，她謂：「醫生都建議我留喺屋企休息，因為免疫力過低，其實我舊年都試過有咁嘅情況，所以要好好調理吓身體先得，而且依家疫情變化，都唔敢出街，一收工都即刻返屋企。」