何超蓮整蠱竇驍甜度爆燈　網友：他的眼裏全是她

賭王三房千金何超蓮與男友竇驍自認愛以來一直高調晒恩愛，甜蜜程度令唔少網民頂唔順叫救命，每次睇佢哋嘅社交網都要慎入！尋日（13號）何超蓮又分享同男友嘅日常，今次係一段變魔術嘅影片，片中佢向竇驍大顯身手，將張紙巾撕爛，然後放喺心手叫男友施魔咒，又吹又「呵」，原來本身諗住整蠱竇驍，點知都係失敗，佢留言：「鋪墊時間過長導致的無效整蠱。雖然整蠱了，但沒有完全成功，得想個辦法成功騙他一次。」唔少網民留言大讚二人Sweet到爆，係注定嘅天生一對：「兩人好有夫妻像。」、「他的眼裏全是她」、「好深情的眼神！」