受疫情影響！譚嘉儀處女騷被迫取消：會繼續操Fit

歌手譚嘉儀原定1月28日在旺角麥花臣場館舉行首個個人演唱會，但受到疫情影響，政府收緊防疫措施，演唱會要取消，嘉儀回覆東網說：「自己當然會有失望，知道唔單止係我自己嘅演唱會受到影響，好多行業都一樣受到影響，所以都好希望大家可以身體健康，疫情盡快受到控制！」

佢坦言聽到延期呢一個消息，身邊一班朋友同埋屋企人，同佢講無論延期到幾時，佢哋都一定會嚟支持，令到佢覺得好窩心，好感激佢哋，佢話：「我一定會繼續努力去準備好呢一場演唱會！（有冇打亂你本來計劃？）少少啦，因為我本身節食緊，又操緊線條嘅運動，依家可以繼續照做，又多咗時間畀我去練腹肌同馬甲線，咁都係一件好事嚟！（新年依家咪可以放縱吓？）可以食多少少，之後都會繼續去操番Fit個人。」

另外，由演員潘燦良主演的40場舞台劇《最後禮物》，主辦機構英皇娛樂今日（14日）發出有關場次延期公告。公告指為配合政府於最新的防疫隔離措施，原定於1月7日至2月5日於灣仔演藝學院舉行的23場舞台劇場次將會延期，至於後續場次即2月6日至2月25日共17場之舉辦安排，則有待政府後續公告再作相應安排。主辦單位感謝各方體諒，為此延期帶來之不便衷心致歉。