無懼變人妻公敵?COLLAR唔介意同After Class合作
女團COLLAR出道短短幾日已有廿多萬粉絲,人氣強勁,新歌MV於前日(12)推出至今,未夠3日已有已有逾64萬點擊!8名成員Marf、Day、Gao、Ivy So、Candy、WINKA、So Ching及芯駖今日(14日)接受東網專訪,她們稱見到網民對新歌的評價大部分屬正面,覺得是個好開始,但認為可以做得更好。對於初出道便惹是非,新歌及海報等疑抄襲,身為隊長的Gao否認:「好多相類似作品,但唔係抄襲。」Marf稱每個監製及設計師都有自己思想及構思,尊重每個人的創作及理念,她們會集中在女團的呈現上。
至於有指因女團聲勢浩大,反而MIRROR遭公司冷待而令鏡粉不滿?Gao不覺女團風頭勁,並為大讚師兄功不可沒:「係時間性問題,因為師兄MIRROR一開始組成真係好艱辛,呢幾年佢哋用好多努力先儲到依家嘅粉絲同人氣,我哋係有佢哋開咗條路先可以咁順利,冇得可以咁比較。」
提到女團獲不少「前夫」支持,問到會否擔心成「人妻公敵」﹖她們笑言也有很多「前妻」及女粉絲支持,甚至是夫妻一齊追星,Marf說:「有啲粉絲話我哋全家都好鍾意你哋,呢個係最良好嘅追星現象,大家一齊去進行呢件事,亦都係我哋目標,就係老少咸宜。」自言保持8名成員個人風格自然可以吸納女粉絲。除了以「老少咸宜」為目標,問到2022年最佳組合會否是目標之一?Marf直言:「呢個梗係好,我哋會努力。」芯駖強調獎項只是錦上添花,最緊要是做好自己,至於會否擔心跟「聲夢小花」組成的After Class比較?芯駖續說:「我知觀眾好鍾意攞嚟比較,但我哋唔會同人比,只會自己同自己比。(同佢哋合作吓!)唔介意同任何人合作,合作係好事,咁先有火花,娛樂圈先會有氣氛。」若然成事,Marf與炎明熹勢掀主將大戰!
成員各自有擔當
另外,各成員又談到各自擔當,So Ching是「廁所擔當」、Gao是「打雜擔當」、Day是「受傷擔當」、Candy是「氣氛擔當」、Ivy是「減肥擔當」、Marf是「攝影擔當」、WINKA是「講經擔當」(講嘢喜歡長篇大論)、芯駖是「甩轆擔當」。8人成軍只有幾日,部分人之前甚至從未合作過,Day坦言默契比預期中好,但講到默契度,她們自評只有5.5482分,比合格高一點,還有很大進步空間。
唔擔心影響拍拖
講到由素人變藝人,她們自言要表現得更專業,Marf坦言:「我哋身份唔同咗,影響力大咗,我哋言行方面要再小心,同之前唔同。」問到會否擔心私隱或拍拖問題,WINKA及So Ching就舉手認有男友,WINKA大方表示:「近年大家思想都開放咗好多,唔會就住呢個問題去講,有拍拖係開心事,穩定會同大家講。」Gao笑言相信大家暫時冇時間去拍拖,若緣分到就順其自然,Marf說:「我哋都係有血有肉嘅女仔,正常私人生活係需要有,藝人有自己嘅私人生活同私人時間好重要,咁先係貼地嘅人。(之前傳你拍拖﹖)我啲粉絲都好相信我,所有嘢穩定我就會同大家講。」
她們將於3月舉行演唱會,各成員都大感期待,並正在構思中,由於8個人喜好的音樂類型各異,她們相信演唱會內容會很豐富,做到百花齊放,而粉絲名稱至今仍未落實,她們覺得「鈕扣」不錯,幾得意,Day笑言要搞個全民造粉絲名活動讓大家投票。