鍾雨璇同貓拍檔拍MV　帶病上陣被逼刪戲

歌手鍾雨璇早前為美容公司的主題曲《蛻變》拍攝MV，當日氣溫驟降至攝氏10度，帶病上陣的她說：「今次MV製作公司好認真，由籌備設計至製作大貓頭套足足等咗成個月，拍攝嗰日隻大貓可愛造型令到拍攝氣氛更加輕鬆愉快。」本來有一幕會安排她在海濱公園穿着瑜伽造型與大貓跑步，但導演知她感冒未愈，她喉嚨聲沙，即臨時刪咗呢幕，轉在室內拍攝。

今次拍攝更邀請到混血兒Alyssa擔任MV女主角，鍾雨璇說：「細個時曾經好想嫁畀外國人，生個又靚又白嘅混血兒，因為一直好羨慕混血兒五官精緻，尤其係藍色眼睛嘅混血兒更吸引，不過大個咗就冇再咁樣諗，起碼自己嘅貓貓白雪雪都擁有一對精靈嘅藍眼睛！」