陳小春張智霖做交通警 反而搞到成都大塞車

20220115
東網電視
更多新聞短片
內地綜藝節目《我們的滾燙人生》搵嚟真人騷《披荊斬棘的哥哥》入面嘅「哥哥」做民間服務者Sell正向教育,早前「大灣區五人組」嘅張智霖(Chilam)同陳小春已經聯同過張晉、李承鉉、張淇等體驗消防員、警察等職業,尋日(14日)佢哋就出動去到成都做交通警,踩入十字路後指揮交通。
網上即時出現大批眾藝人現身街頭嘅相同片,明顯佢哋嘅現身令現場人頭湧湧,雖然佢哋着晒交通警制服同戴上口罩,認真地查看交通同捉違規司機,但估唔到大批市民依然認得出眼前嘅「交通警察」係藝人,消息更加傳遍網上,搞到愈嚟愈多人去到街頭睇明星,人龍長過車龍。不過最搞笑係,當時網友仲未知眾人係拍緊節目,竟然有網友誤傳眾藝人因為不小心駕駛而被交警捉實訓話,好在網上亦好快有人幫手澄清,指佢哋只係聽緊交警講解運作過程,而非被訓話。