「啤梨」葉文輝趁疫情停工與太太趕造人生虎B

DJ歌手葉文輝(啤梨)結婚4年 ，近日經常被粉絲及身邊朋友催促生B，以往他都一笑置之，但快將踏入虎年，他竟然「轉性」向堪輿學家請教「丁財兩旺」之法，得知水有助生財添丁，他即逢水必抽，祈望新一年如魚得水，願望成真。日前他到尖沙咀港鐵站內，如水族館的立體廣告牌前拍片，見他不停在廣告牌前深呼吸水，又扮游水狀，動作、表情交足戲，還呼籲粉絲齊齊去港鐵站跟他齊「游乾水」。

啤梨接受訪問時表示現時是生b最好時機：「疫情令大部分公開演藝工作要暫停，多咗時間同太太相處，我諗不如認真諗吓『認真造人』呢個大project，咁我都擔心年紀再大啲，未必夠體力去照顧小朋友。」

啤梨除忙主持電台節目《梨事會》外，正籌備另一個即將推出的網上節目，屆時他將分享日常生活資訊及投資心得：「我最近喺網上學識投資美股同其他股票，都有少少斬獲。」又望有機會和網紅如雪姨等認識及合作。