關王力宏事？徐若瑄暴瘦9KG　3招Keep女神身形

捲入王力宏的離婚風波的徐若瑄（Vivian），近日終於「甩難」，早前佢已經返到新加坡和老公兒子團聚，趁住農曆年前，佢就整理一下衣櫃，畀佢搵到以為買落褲子，點知一着，條褲明顯大咗幾個碼，空位大到可以放得落拳頭，Vivian先透露原來佢10個月來瘦了9公斤，更將瘦身秘訣分享畀粉絲，她在社交網發文：「整理衣櫥裏的衣服，10個月消失的9公斤，運動的好習慣+多喝水+搭配健康飲食。」

現年46歲的Vivian早前都分享過瘦身秘訣，每周跑步6日、3天重訓、加上168飲食法等方法，維持女神身材。雖然Vivian就冇講今次暴瘦關唔關王力宏事，不過粉絲就估計應該唔多唔少都有啲關係。

而徐若瑄暴瘦照，陳建州（黑人）都有畀Like，早前徐若瑄捲入李靚蕾王力宏的離婚風波，李靚蕾指王力宏有一炮友是「已婚人妻」，後來李靚蕾澄清范范（范瑋琪）及黑人不涉及事件，但沒有撇清徐若瑄，而徐若瑄隨即發聲明指「誰是真正的朋友」，如今黑人畀like，可能關係已經回復明朗。