林穎彤埋身肉搏 何依婷跌倒被困爆喊:係我冇用!

2022年01月16日 17:02
東網電視
更多新聞短片
藝人何依婷、林穎彤(Bella)、林秀怡、王菲及黃嘉雯為無綫綜藝節目《七線人棄王》任嘉賓,參與野外Camping求生大戰,幾位美女分別夥拍姚宏遠、鄭雋熹、林浩文、陳俊堅及程浩駿5位七線藝人,組成不同顏色隊伍作戰,眾女為求勝出各出奇謀,當中以Bella最為突出,無論於「扮嘢短劇」或者是埋身肉搏玩遊戲均非常落力,憑住驚人意志力,即使身形條件輸蝕,但仍多次獲勝。
製作組亦未有為一眾女星憐香惜玉,其中一個遊戲要求眾女綁住大橡筋,於互相「牽扯」情況下四圍出走搶分,過程間眾人一仆一碌,亦有人搞到成口沙,場面搞笑。期間依婷因與黃嘉雯身上的橡筋纏在一起而失平衡跌倒,惟其他參賽者卻不知情繼續奔跑,令依婷硬食不少「無情力」,幸最終被發現受困,齊齊動手拯救她,眼淺的依婷即爆喊:「其實係我冇用,睇番當時大家都好關心我,真係唔好意思,阻住大家拍攝,其實整親好小事,玩遊戲必會經歷。」