比送包包更有心!張智霖贈袁詠儀手機隱藏愛的密碼

20220116
東網電視
更多新聞短片
型男張智霖(Chilam)和袁詠儀(靚靚)又放閃!之前一杯來自老公的紫薯芋泥已令靚靚甜到漏,日前靚靚又喺社交網晒命再收到禮物,雖然唔係佢最愛嘅名牌包包,不過都令靚靚「甜到糖尿」。
到底乜嘢可以冧過收包包呢?見靚靚甫呢份禮物上網就知啦,佢仲留言話:「2022年的第一份禮物,被『虎』住了!」原來佢收到一部最新嘅摺機電話,呢部橙色面,賣相好Sharp嘅手機,重點唔係有幾新款、價錢有幾貴、市面上有幾難搶,而係電話入面嗰幅有「老虎公仔」嘅Wallpaper。原來呢隻老虎圖有含意嘅,下面嗰3個小圖案係「愛,老虎,油」,意思係「我愛你」。
嘩!佢哋結咗婚成19年,老夫老妻都玩埋呢個咁sweet嘅嘢,教靚靚如何不愛他呢?除咗Wallpaper有愛,Chilam仲送埋電話繩,不過呢條電話繩唔係普通嘅電話繩,條金色鏈翹住條絲巾,感覺就好似一個迷你包包咁,靚靚直情可以將手機當包包咁拎住出街,一物二用,襯番愛包包的老婆。